Las Malinèiras

ISBN : 978-2-905007-00-1 — auteur : Emilien Barreyre — langue : français ; gascon (occitan) — format : 11,5x18 cm — nombre de pages : 176 — illustrations : sans.

Emilien BARREYRE, vadut a Arès (Gironda) en 1883, qu’es lo poèta de la mar e de la vita vitanta deus malinèirs e de las malinèiras de la Laca d’Arcaishon. Permèir de tot qu’es hilh de pescaire, pescaire eth-medish, e digun miélher qu’eth ne sabot cantar la Gran Mar gascona, son bòrn e sa gent. Caçat per la praubèra deu país carit entà la banlèga de Paris, qu’i morirà en 1944 shens aver podut tornar véder la tèrra-mair.

Las Malinèiras qu’estot publicat permèir en 1912 dab l’ajuda e los conselhs de S. Palai e M. Camelat. Qu’estot de-tira considerat com ua òbra màger de la letradura occitana modèrna ; en aqueth genre mau-aisit qu’egau es la poësia lirica que s’i illustrèren davant eth MISTRAU e CAMELAT, E. BARREYRE s’a sabut portar au nivèu deus mei grans poètas d’òc.

«... A nosauts lo barret de lana e los cravans / E los calhòcs de neu que van pescar los grans / Sas hanhèirs d’Arcaishon quan la mar es abaishada ! / A nosauts los braçalhs obèrts de las gran’mars / Los minjars en plena aiga on parpàlhan las velas / E dau só la broèla, e las sentas estelas ! »

La presenta edicion qu’es estada hòrt aumentada de pèças ineditas per rapòrt a las edicions de 1912 e 1953. Que balha atau ua vista plan mei compléta de l’òbra deu pescaire d’Arès.